Sharaına
Ata-anasyna qyzynyń jigiti unamaǵandyqtan, olar qyzyn alty jyl boıy qorada qamap ustapty. Jaǵdaı Qytaıdyń Hýbeı provınsııasyndaǵy Jıngang selosynda bolǵan.
Antısanıtarlyq jaǵdaıda ustalǵan qyzdyń fotosýretin ınternetke jergilikti turǵyn Choý Djen degen ornalastyrypty. Onyń aıtýyna qaraǵanda, ata-anasy Chjan Sıdi birneshe ret unatqan jigitimen qashyp ketýge áreket jasaǵannan soń, 2009 jyly qoraǵa qamap tastaǵan. Al boıjetkenniń ata-anasy júıkesi aýyratyndyqtan, qyzynyń qaýipsizdigi úshin qamap ustaǵandaryn alǵa tartqan. Choý Djenniń málim etýinshe, qazir polısııa osy oqıǵany tekserýdi qolǵa alǵan. Budan jergilikti turǵyndar men polısııa burynnan habardar bolsa kerek. Onyń osynsha ýaqyt jarııa etilmeýi qyz ata-anasynyń yqpaldy adamdar bolǵanyna baılanysty sııaqty.
Eýropa ravvınderinde úreı bar
Evreılerge birneshe ret shabýyl jasalǵannan keıin, Eýropa ravvınderi bolyp qalýy yqtımal jańa shabýyldarǵa daıyndalý qajet dep sheshti.
Osyǵan baılanysty olar Praga qalasyndaǵy kezdesýleri kezinde ózin-ózi qorǵaýdyń jáne zardap shekkenderge alǵashqy kómek kórsetýdiń ádis-tásilderin úırendi. Trenıngke 100-ge jýyq ravvın kelipti. Olar sýyq qarýdan qalaı qorǵanýdyń, ony denege darytpaýdyń ádisin meńgergen. «Assosheıted press» agenttiginiń habarlaýynsha, trenıngke qatysýshylardyń barlyǵy bul «jattyǵýǵa» baısaldylyqpen qaraǵan. Mundaı trenıngterdi endi Eýropanyń ózge de elderinde uıymdastyrmaq. Osy jyldyń aqpanynda Kopengagende sınagoganyń evreı kúzetshisi atyp óltirilgen edi.
Úsh adamdy mert etken dúkendegi atys
Ońtústik Koreıanyń Sedjon qalasyndaǵy dúkende bir adam oq jaýdyrǵan jáne órt qoıǵan. Sonyń saldarynan úsh adam qaza tapty.
«Assosheıted press» aqparat agenttiginiń habarlaýynsha, biraz ýaqyt ótken soń, oq atqan adamnyń óli denesi tabylǵan. Ol ózin-ózi óltirgen degen boljam jasalyp otyr. Qurban bolǵandar bir-birine týys bolsa kerek. «Renhap» agenttiginiń keltirgen málimetterine qaraǵanda, kúdikti qylmysyn jasyrý úshin dúkendi ádeıi órtep ketken. Polısııa kúdikti buryn oqqa ushqandardyń biriniń qaryndasymen jaqyn qarym-qatynasta bolǵanyn aıtady.
Sodyrlar adam urlaǵandy údetip barady
«Islam memleketi» tobynyń sodyrlary Sırııanyń soltústik-shyǵysynda ornalasqan hrıstıandar turatyn eldi mekenderden 90-ǵa jýyq adamdy urlap ketken.
Aqparat quraldarynyń habarlaýynsha, hrıstıandar eldiń osy aýmaǵynda birneshe ǵasyrdan beri turyp keledi. Olardyń sany Sırııadaǵy azamattyq soǵys saldarynan birshama azaıǵan. Aqpan aıynyń orta sheninde «Islam memleketiniń» sodyrlary mysyrlyq 21 hrıstıandy ólim jazasyna kesken beınerolık taratqan bolatyn. Osynyń aldynda sodyrlar Iraktyń Mosýl qalasynda 16 adamdy órtep jibergen edi.
Naızaǵaı otynyń qurbany boldy
Tanzanııa elindegi bir mektepke jaı túsip, bir muǵalim men tórt oqýshyny mert etti. Bul kezde synypta 22 oqýshy bolǵan eken.
Qaıǵyly jaǵdaı eldiń shyǵysyndaǵy Nıakasan eldi mekeninde oryn alǵan. Jergilikti basylymdardyń jazýyna qaraǵanda, oqýshylar men oqytýshy naızaǵaıdan qorǵanýdyń barlyq amaldaryn jasaǵan kórinedi. «Jaı oty bir synypqa ǵana tústi. Bes adam naızaǵaıdyń qurbany boldy jáne 17 bala jaraqat aldy», – dep málimdedi jergilikti ákimshilik ókili Kıgoma Ýılıam Lıtýhı. Aıta keteıik, 2013 jyly qańtarda osy eldiń aýmaǵynda Irlandııanyń alpınısi Ien Makkıver Kılımandjaro shyńyna órmelep bara jatqan kezde jaı túsip, qaza tapqan edi.
Iis sezgishtigi ıtterden de kúshtirek
Ońtústik Afrıkada Iohannesbýrg qalasynyń mańyndaǵy fermalardyń birinde pilderdi mına izdeýge úıretý qolǵa alynǵan. «Oqý kýrsyn» AQSh-tyń áskerı-zertteý uıymdarynyń qatysýymen ońtústikafrıkalyq kompanııa uıymdastyrǵan.
Kompanııa mamany Shon Hensmenniń aıtýynsha, Afrıka pilderiniń ıis sezý qabileti ıtterden de kúshtirek. Olar jer astyna jasyrylǵan mınany alystan taba bilýge qabiletti. Synaqtan ótkizýshiler qazirdiń ózinde birshama ilgerileýshilikke qol jetkizgen sııaqty. Buǵan mysal retinde olar 17 jastaǵy Chıshýrý atty pil qatar qoıylǵan shelekterdi ıiskegen kezinde, trotıl salynǵandaryn sezip toqtaı qalyp, aldyńǵy aıaqtarynyń birin kótergenin keltiredi. Mınadan tazartý sharalaryna pilderdi paıdalaný ıdeıasyn alǵash ret angolalyqtar qolǵa alypty.
Qysqa qaıyryp aıtqanda:
*Chad eliniń áskerıleri Nıgerııanyń Garambý qalasynyń mańynda «Boko haram» terrorshyl tobynyń 207 sodyrynyń kózin joıdy. Sonymen birge, úlken kólemde qarý-jaraq pen oq-dárini qolǵa túsirdi.
* Oqý-jattyǵý kezinde Túrkııanyń eki áskerı ushaǵy soqtyǵysyp qalyp, tórt ushqysh qaza tapty. Qaıǵyly oqıǵaǵa aýa raıynyń qolaısyzdyǵy sebep bolǵan sııaqty.
* AQSh prezıdenti Barak Obama Kanadadan tartylatyn qubyr qurylysy týraly zań jobasyna veto qoıdy. Bul zań jobasyna 270 depýtat jaqtap, 152 depýtat qarsy daýys bergen edi.
* Ázerbaıjan parlamentiniń depýtattary Reseıge KSRO-nyń quqyqtyq murageri retinde Baký qalasyna batyr qala ataǵyn berýdi usyndy.
Internet materıaldary negizinde ázirlendi.
Ata-anasyna qyzynyń jigiti unamaǵandyqtan, olar qyzyn alty jyl boıy qorada qamap ustapty. Jaǵdaı Qytaıdyń Hýbeı provınsııasyndaǵy Jıngang selosynda bolǵan.
Antısanıtarlyq jaǵdaıda ustalǵan qyzdyń fotosýretin ınternetke jergilikti turǵyn Choý Djen degen ornalastyrypty. Onyń aıtýyna qaraǵanda, ata-anasy Chjan Sıdi birneshe ret unatqan jigitimen qashyp ketýge áreket jasaǵannan soń, 2009 jyly qoraǵa qamap tastaǵan. Al boıjetkenniń ata-anasy júıkesi aýyratyndyqtan, qyzynyń qaýipsizdigi úshin qamap ustaǵandaryn alǵa tartqan. Choý Djenniń málim etýinshe, qazir polısııa osy oqıǵany tekserýdi qolǵa alǵan. Budan jergilikti turǵyndar men polısııa burynnan habardar bolsa kerek. Onyń osynsha ýaqyt jarııa etilmeýi qyz ata-anasynyń yqpaldy adamdar bolǵanyna baılanysty sııaqty.
Eýropa ravvınderinde úreı bar
Evreılerge birneshe ret shabýyl jasalǵannan keıin, Eýropa ravvınderi bolyp qalýy yqtımal jańa shabýyldarǵa daıyndalý qajet dep sheshti.
Osyǵan baılanysty olar Praga qalasyndaǵy kezdesýleri kezinde ózin-ózi qorǵaýdyń jáne zardap shekkenderge alǵashqy kómek kórsetýdiń ádis-tásilderin úırendi. Trenıngke 100-ge jýyq ravvın kelipti. Olar sýyq qarýdan qalaı qorǵanýdyń, ony denege darytpaýdyń ádisin meńgergen. «Assosheıted press» agenttiginiń habarlaýynsha, trenıngke qatysýshylardyń barlyǵy bul «jattyǵýǵa» baısaldylyqpen qaraǵan. Mundaı trenıngterdi endi Eýropanyń ózge de elderinde uıymdastyrmaq. Osy jyldyń aqpanynda Kopengagende sınagoganyń evreı kúzetshisi atyp óltirilgen edi.
Úsh adamdy mert etken dúkendegi atys
Ońtústik Koreıanyń Sedjon qalasyndaǵy dúkende bir adam oq jaýdyrǵan jáne órt qoıǵan. Sonyń saldarynan úsh adam qaza tapty.
«Assosheıted press» aqparat agenttiginiń habarlaýynsha, biraz ýaqyt ótken soń, oq atqan adamnyń óli denesi tabylǵan. Ol ózin-ózi óltirgen degen boljam jasalyp otyr. Qurban bolǵandar bir-birine týys bolsa kerek. «Renhap» agenttiginiń keltirgen málimetterine qaraǵanda, kúdikti qylmysyn jasyrý úshin dúkendi ádeıi órtep ketken. Polısııa kúdikti buryn oqqa ushqandardyń biriniń qaryndasymen jaqyn qarym-qatynasta bolǵanyn aıtady.
Sodyrlar adam urlaǵandy údetip barady
«Islam memleketi» tobynyń sodyrlary Sırııanyń soltústik-shyǵysynda ornalasqan hrıstıandar turatyn eldi mekenderden 90-ǵa jýyq adamdy urlap ketken.
Aqparat quraldarynyń habarlaýynsha, hrıstıandar eldiń osy aýmaǵynda birneshe ǵasyrdan beri turyp keledi. Olardyń sany Sırııadaǵy azamattyq soǵys saldarynan birshama azaıǵan. Aqpan aıynyń orta sheninde «Islam memleketiniń» sodyrlary mysyrlyq 21 hrıstıandy ólim jazasyna kesken beınerolık taratqan bolatyn. Osynyń aldynda sodyrlar Iraktyń Mosýl qalasynda 16 adamdy órtep jibergen edi.
Naızaǵaı otynyń qurbany boldy
Tanzanııa elindegi bir mektepke jaı túsip, bir muǵalim men tórt oqýshyny mert etti. Bul kezde synypta 22 oqýshy bolǵan eken.
Qaıǵyly jaǵdaı eldiń shyǵysyndaǵy Nıakasan eldi mekeninde oryn alǵan. Jergilikti basylymdardyń jazýyna qaraǵanda, oqýshylar men oqytýshy naızaǵaıdan qorǵanýdyń barlyq amaldaryn jasaǵan kórinedi. «Jaı oty bir synypqa ǵana tústi. Bes adam naızaǵaıdyń qurbany boldy jáne 17 bala jaraqat aldy», – dep málimdedi jergilikti ákimshilik ókili Kıgoma Ýılıam Lıtýhı. Aıta keteıik, 2013 jyly qańtarda osy eldiń aýmaǵynda Irlandııanyń alpınısi Ien Makkıver Kılımandjaro shyńyna órmelep bara jatqan kezde jaı túsip, qaza tapqan edi.
Iis sezgishtigi ıtterden de kúshtirek
Ońtústik Afrıkada Iohannesbýrg qalasynyń mańyndaǵy fermalardyń birinde pilderdi mına izdeýge úıretý qolǵa alynǵan. «Oqý kýrsyn» AQSh-tyń áskerı-zertteý uıymdarynyń qatysýymen ońtústikafrıkalyq kompanııa uıymdastyrǵan.
Kompanııa mamany Shon Hensmenniń aıtýynsha, Afrıka pilderiniń ıis sezý qabileti ıtterden de kúshtirek. Olar jer astyna jasyrylǵan mınany alystan taba bilýge qabiletti. Synaqtan ótkizýshiler qazirdiń ózinde birshama ilgerileýshilikke qol jetkizgen sııaqty. Buǵan mysal retinde olar 17 jastaǵy Chıshýrý atty pil qatar qoıylǵan shelekterdi ıiskegen kezinde, trotıl salynǵandaryn sezip toqtaı qalyp, aldyńǵy aıaqtarynyń birin kótergenin keltiredi. Mınadan tazartý sharalaryna pilderdi paıdalaný ıdeıasyn alǵash ret angolalyqtar qolǵa alypty.
Qysqa qaıyryp aıtqanda:
*Chad eliniń áskerıleri Nıgerııanyń Garambý qalasynyń mańynda «Boko haram» terrorshyl tobynyń 207 sodyrynyń kózin joıdy. Sonymen birge, úlken kólemde qarý-jaraq pen oq-dárini qolǵa túsirdi.
* Oqý-jattyǵý kezinde Túrkııanyń eki áskerı ushaǵy soqtyǵysyp qalyp, tórt ushqysh qaza tapty. Qaıǵyly oqıǵaǵa aýa raıynyń qolaısyzdyǵy sebep bolǵan sııaqty.
* AQSh prezıdenti Barak Obama Kanadadan tartylatyn qubyr qurylysy týraly zań jobasyna veto qoıdy. Bul zań jobasyna 270 depýtat jaqtap, 152 depýtat qarsy daýys bergen edi.
* Ázerbaıjan parlamentiniń depýtattary Reseıge KSRO-nyń quqyqtyq murageri retinde Baký qalasyna batyr qala ataǵyn berýdi usyndy.
Internet materıaldary negizinde ázirlendi.
